"Yapı Kredi Bank Azərbaycan"ın məcmu kapitalı artdı
"Ölkə.Az" bankın statistikasına istinadən xəbər verir ki, 2017-ci ildə 10,1 milyon manat xalis mənfəət əldə edən bank, eyni zamanda məcmu kapitalını da 64 milyon manata qaldırıb.
Sözügedən bank ötən ildə bankın depozit müştərilərinin sayı 17% artırıb. 2016-ci ilin müvafiq dövrü ilə müqayisədə bankın yüksək likvidli aktivləri də 18% artaraq 298,1 milyon manata çatıb.
Qeyd edək ki, "Yapı Kredi Bank Azərbaycan" dünyanın 17 ölkəsində fəaliyyət göstərən bankçılıq qrupunun üzvüdür. Ana səhmdarı UniCredit (İtalya) və Koç Holding (Türkiyə) olan bank, Azərbaycanda bankçılıq sektorunda beynəlxalq təcrübə ilə Bakı və Sumqayıt şəhərlərində yerləşən filialları, 7/24 xidmət göstərən Telefon Mərkəzi və İnternet/Mobil Bankçılıq xidmətləri ilə xidmət verməkdədir.
