Bakının mərkəzi küçəsi təmirə bağlandı
Yollarda olan son vəziyyət “AvtoFM” radiosunun efirində açıqlanır.
Bakının mərkəzi küçəsi təmirə bağlanıb.
Nəqliyyat Nazirliyinin Nəqliyyatı İntellektual İdarəetmə Mərkəzindən Ölkə.Az-a verilən məlumata görə, M.Müşfiq küçəsində (Qurd qapısı adlanan ərazidən Bakı Şəhər Dövlət Yol Polisi İdarəsinin inzibati binasına qədər olan küçə hər iki istiqamətdə) təmir işləri aparılır.
Sürücülərə alternativ yol kimi Əsəd Əhmədov, Xiyabani küçələri göstərilir. Eləcə də sürücülər Avtovağzalın yanından Dairəvi yola daxil ola bilərlər.
Məlumat üçün, təmir işləri Bakı Şəhər İcra Hakimiyyəti tərəfindən aparılır.
Əlavə edək ki, Bakı şəhərinin yollarında olan son vəziyyətlə bağlı operativ məlumat hər 30 dəqiqədən bir 107.7 – “AvtoFM” radiosunun efirində açıqlanır.
Ölkə.Az
