Rublun məzənnəsi yenidən çökdü

Rublun məzənnəsi ikinci gün dalbadal düşməyə davam edir.

Ölkə.Az RBK-a istinadən xəbər verir ki, çərşənbə axşamı dollar 3,5 saata 4 rubl, avro isə 3,5 rubl qalxıb.

Vahid avropa valyutasınnı kursu bir neçə saata 4,5 % yüksəlib. Bir neçə düzəlişdən sonra avro yüksəlib. Belə ki, saat 12:30-da o, 74 rubl, saat 13:30-da 75 rubl, 14:20-də isə 76 rubl olmuşdu.

Analoji situasiya dolların satıldığı yerlərdə də yaşanıb. Hərracların açılmasından etibarən 3 saat ərzində dollar 4 rubl bahalaşaraq, 14:40-da 64 rubl 16 qəpik həddinə çatmışdı. Bundan sonra bəzi düzəlişlərdən sonra dolların dəyəri 64 rubla düşmüşdü. Hərracın açılışında isə rublun kursu 60 rub 39 qəpik olmuşdu.

Rusiya Bankının rəsmi kursu dollara gör 56,23 rubl, avroya isə 68,36 rubl təşkil edir.

Rəşid Mustafazadə

Ölkə.Az