Bakıda ət oğrusu yaxalanıb
Hadisə Nizami rayonu, Çobanzadə küçəsi 63-də qeydə alınıb.
“Ölkə.Az”ın xəbərinə görə, adıçəkilən ünvanda yerləşən ət mağazasının qapısını sındırmaqla 27 kq ət oğurlanıb. Səhər işə gələn mağaza sahibi qapının sındırıldığını görən kimi polisə müraciət edib.
Keçirilən təxirəsalınmaz əməliyyat tədbirləri nəticəsində 1986-cı il təvəllüdlü Səbuhi Mirzəyev saxlanılaraq Nizami RPİ-nin İstintaq Şöbəsinə təhvil verilib. Faktla bağlı cinayət məcəlləsinin oğurluq maddəsi ilə cinayət işi başlanıb.
