Azərbaycanda iki yeni qızıl yatağı kəşf edildi

Azərbaycanda daha iki qızıl yatağı kəşf edilib.

Ölkə.Az-ın apa-ya istinadən məlumatına görə, bunu jurnalistlərə ekologiya və təbii sərvətlər naziri Hüseynqulu Bağırov bildirib.

Nazirin sözlərinə görə, yataqlar Böyük Qafqaz dağlarının şimal ətəyində və Kiçik Qafqaz dağlarında yerləşir.

“Hazırda nazirlik tərəfindən qızıl yataqların xəritəsi hazırlanır”, - deyə H. Bağırov bildirib.

Nazir əlavə edib ki, hazırda yataqların ehtiyatları dəqiqləşdirilir.

Ölkə.Az