Ölkə ÜDM–i 1 milyard dollar azalıb

Komitə məlumat yaydı.

2015-ci ilin yanvar ayında ölkədə 3,6 milyard manatlıq və ya əvvəlki ilin eyni ayı ilə müqayisədə 4,4% çox ÜDM (Ümumi daxili məhsul) istehsal olunub. Qeyri-neft sektorunda 5,5%, neft-qaz istehsalı və emalı sahələrində isə 3,1% artım olub.

Bu barədə Dövlət Statistika Komitəsindən məlumat verilib.

Müvafiq dövrdə ÜDM-in 34%-i sənayedə, 10,6%-i tikintidə, 10,3%-i ticarət və nəqliyyat vasitələrinin təmiri üzrə xidmətlər sahəsində, 6,6%-i nəqliyyat və anbar təsərrüfatında, 3,4%-i kənd təsərrüfatı, meşə təsərrüfatı və balıqçılıqda, 2,9%-i turistlərin yerləşdirilməsi və ictimai iaşə xidmətləri sahəsində, 2,4%-i informasiya və rabitə xidmətlərində, 19,8%-i sosial və digər xidmətlər sahəsində istehsal edilib, məhsula və idxala xalis vergilər ÜDM-in 10,0%-ni təşkil edib.

“2014-cü ilin yanvar ayında 4,4 milyard manatlıq ÜDM istehsal edilib, 2015-ci ilin yanvar ayında 3,6 milyard manatlıq ÜDM istehsalı olub, azalma 0,8 milyard manat (1 mlrd dollar) təşkil edir, yəni 18% azalma olub”- deyə, ölkə ekspertləri bildirir.

Ölkə.Az