Ekspert: "20-30 il bundan əvvəl qışqırmaqla bitən problemlər, indi balta, bıçaq yolu ilə öz həllini tapır"

"Hazırda ölkədə vətəndaşlar arasında psixoloji durum gərgindir. 20-30 il bundan qabaq ən ciddi mübahisələr səsin ucalmağı ilə bitirdi, indi isə həmin problemlər səs ucalığı ilə deyil, bıçaq, balta ilə öz həll yolunu tapır. Bütün bunlar isə insanların əsəb sisteminin gərgin olmasından irəli gəlir".

Bu sözləri Ölkə.az-a danışan kriminal məsələlər üzrə ekspert Mahmud Hacıyev deyib.

O, son illər ölkə ərazisində məişət zəminində baş verən cinayətlərin sayının artma səbəblərindən danışıb.

"Cinayətlərin baş vermə səbəbi müxtəlif olur. Cinayət tərkibini yaradan amillər toplumu var. Biz məişət zəminində baş verən cinayətlərin son vaxtlar artdığını müşahidə edirik. Ümumiyyətlə qisasçılıq, məişət, münaqişə zəminində baş verən bütün cinayətlərin sayında artım var", deyə ekspetr bildirib.

- Psixoloji durumu gərginləşdirən amillər hansılardır?

- "Hazırda ölkədə vətəndaşlar arasında psixoloji durum gərgindir. 20-30 il bundan qabaq ən ciddi mübahisələr səsin ucalmağı ilə bitirdi, indi isə həmin problemlər səs ucalığı ilə deyil, bıçaq, balta ilə öz həll yolunu tapır. Bütün bunlar isə insanların əsəb sisteminin gərgin olmasından irəli gəlir.

İnsanların əsəb sisteminə təsir edən faktorlar isə bunlardır:

Narkomaniya
Sərxoşluq
İşsizlik
Fahişəlik
Sosial iqtisadi problemlər və.s

Bunlar insanlarda psixoloji durumu gərginləşdirir. Ona görə də bu cür cinayət hallarının sayında artım müşahidə olunur".

Qeyd edək ki, ötən il Azərbaycanda qeydə alınmış cinayət hadisələrindən 721-i məhz məişət zorakılığı ilə bağlı olub.
Baş verən 24607 cinayət faktından 89,5 faizi qəsdən sağlamlığa az ağır və yüngül zərər vurma, 3,9 faizi qəsdən adam öldürmə və adam öldürməyə cəhd, 6,6 faizi isə digər cinayətlərdir.

Fatimə İbrahimova
Ölkə.az