"Neft ixracatçılarının milli valyutalarının taleyi dünya bazarlarında bu məhsulun qiymətlərindən asılıdır"

Bu fikri məşhur rusiyalı analitik, "PROFİT group"un iqtisadçı eksperti Qleb Zadoya səsləndirib.

Ölkə.az "PROFİT"in rəsmi internet səhifəsinə istinadən xəbər verir ki, Qleb Zadoya mövcud şəraitdə rublun məzənnəsinin qalxmasının mümkünsüz olduğunu vurğulayıb.

"Rublun məzənnəsinə ən böyük təsiri beynəlxalq sanksiyalar göstərir. Artıq yeni sanksiyalar paketi də "üfüqdə görünməkdədir". Neftin dünya bazarlarındakı qiymətləri azalan tempdə dəyişir. Belə olan halda Rusiya hökumətinə milli valyutanın məzənnəsini saxlamaq müyəssər olmayacaq. Rublun yeganə şansı neftin qiymətlərinin 63 dollardan aşağı düşməməsi və sanksiyaların yumşaldılması olardı. Amma biz əksini müşahidə edirik. Deməli rublun inflyasiyasının qarşısını almaq mümkün olmayacaq", deyə Qleb Zadoya bildirib.

Xatırladırıq ki, analitikin fikrini bütün neft ixracatçısı ölkələrə də şamil etmək olar. Büdcəsinin əsas hissəsi neft gəlirlərindən formalaşlan bütün ölkələrdəki iqtisadi durum dünya bazarlarında "qara qızıl"ın qiymətlərindən asılıdır.

Ölkə.az