Mərkəzi Bank əmanətlər üzrə orta faiz dərəcəsini açıqladı
Depozit və əmanətlər üzrə orta faiz dərəcəsi azalıb.
Belə ki, 2015-ci ilin fevralın 1-nə olan məlumata görə, bankların cəlb etdiyi depozit və əmanətlər üzrə orta faiz dərəcəsi milli valyuta, yəni manatla 8,82%, xarici valyuta ilə isə 8,93% təşkil edib.
Bu barədə Ölkə.Az-a Mərkəzi Bankdan məlumat verilib.
Qeyd edək ki, hüquqi şəxslər üçün nəzərdə tutulmuş depozit və əmanətlər üzrə orta faiz dərəcəsi milli valyuta, yəni manatla 5,66%, xarici valyuta ilə isə 4,36% olub. Fiziki şəxslər üçün nəzərdə tutulmuş depozit və əmanətlər üzrə orta faiz dərəcəsi isə milli valyuta ilə 9,41%, xarici valyuta ilə isə 10,05% təşkil edib.
Ölkə.Az
