Ekspert: "Gömrük sistemi şəffaflaşmalıdır və iş adamlarına bərabər şərait yaradılmalıdır"

Əmək və əhalinin sosial müdafiəsi nazirinin müavini İdris İsayev bildirib ki, dünyada neftin qiymətinin kəskin ucuzlaşması ölkə iqtisadiyyatına mənfi təsir edəcək. Buna görə də, manatın məzənnəsinin sabit saxlanılmasının iqtisadi inkişafa mənfi təsiri nəzərə alınaraq onun devalvasiyası qərara alınıb. Nazir müavini həmçinin manatın devalvasiyasının minimum istehlak səbətinə daxil olan məhsulların qiymətinə təsir etmədiyini deyib.

İdris İsayevin fikirlərini iqtisadçı ekspert Qadir İbrahimli Ölkə.Az-a şərh edib.

Qadir İbrahimli: " Neftin dünya bazarında kəskin ucuzlaşması fonunda manatı əvvəlki səviyyədə saxlamaq düzgün deyildi. Məsələnin bu hissəsi ilə razılaşıram. Ancaq əmək və əhalinin sosial müdafiəsi nazirinin müavini İdris İsayevin "Manatın devalvasiyası minimum istehlak səbətinə daxil olan məhsulların qiymətinə təsir etməyib" deməsi məsələyə absurt yanaşmadı, bu peşakar yanaşma deyil. Ola bilməz ki, ölkənin valyutası 33% ucuzlaşa ancaq bu vətəndaşların istehlak səbətinə təsir etməyə. Xüsusi ilə Azərbaycanın ərzaq təhlükəsizliyinin hardasa 50%-dən çoxu idxaldan aslıdır. Belə bir şəraitdə manatın devalvasiyasının vətandaşların iqtisadiyyat səbətinə təsir etmədiyini demək, yumuşaq desək qeyri peşakar yanaşmadı.

Hal-hazırda qiymətləri nisbətən sabit saxlamağa çalışırlar. Təbii ki, sahibkarların gəlirlərinin azalması hesabına. Ancaq bu uzun müddətli davam edə bilməz. Çünki, əgər sahibkarlar real gəlir əldə etmiyəcəklərsə, onların göstərdiyi gəlirlər özün doğrultmayacaqsa sonda sahibkarlar ya məcbur qiymət artımına gedəcəklər, ya da sıradan çıxacaqlar. İndi inzibati tənzimləmə gedir ancaq bunu uzun müddət gözləmək düzgün olmaz".

- Bunun qarşısını almaq üçün nələr etmək lazımdır?

- Bunun qarşısını almaq üçün ölkə iqtisadiyyatında liberallaşma getməlidir. Gömrük sistemi şəffaflaşdırırmalıdır və iş adamlarına bərabər şərait yaradılmalıdır. Əgər bunlar baş verməyəcəksə, idxal hansısa monopolist qrupların təsiri altında qalacaqsa, o zaman bunun qarşısını almaq mümkün olmayacaq.

Attila
Ölkə.Az