Valyuta rezervləri 4,2% azaldı

Rusiyanın beynəlxalq valyuta rezervləri 4,2% azalıb.

Ölkə.az Rusiya KİV-lərinə istinadən xəbər verir ki, bu ölkənin Mərkəzi bankının açıqlamasında belə qeyd olunur.

Rusiya mərkəzi bankından verilən məlumata görə, 4,2%-lik azalma fevral ayında müşahidə olunub. 2015-ci ilin əvvəlindən bu yana isə Rusiyanın valyuta rezervləri 6,5% azalaraq 376,208 milyard dollardan 360,221 milyard dollara düşüb.

Xatırladırıq ki, Rusiyanın beynəlxalq valyuta rezervləri 2008-ci ildə ən yüksək həddinə çataraq 598,1 milyard dollar təşkil etmişdi. Rusiya hazırda rezervlərinin həcminə görə, Çin, Yaponiya, Səudiyyə Ərəbistanı və ABŞ-dan sonra dünyada beşinci yeri tutur.

Ölkə.az