İqtisadçı ekspert dolların növbəti dəfə bahalaşmasından danışdı

"Dolların manata nəzərən bahalaşması siyasətini Mərkəzi Bank müxtəlif ziqzaqlarla davam etdirəcək".

Maliyyə bazarında baş verən prossesləri Ölkə.az-a iqtisadçı alim Qubad İbadoğlu şərh edib.

"Hazırda valyuta bazarına təzyiq davam etməkdədir. Bu bir tərəfdən Mərkəz Bankın valyuta ehtiyatlarının tükənməsindən digər tərəfdən də Mərkəzi Bankın son məzənnə siyasətinin mahiyyətindən irəli gəlir. Bu bahalaşmanın tempinə dünya bazarında neftin qiymətinin hansı səviyyədə qərarlaşması əhəmiyyətli təsir göstərə bilər. İndiki qiymət hələ stabil qiymət deyil, bu qiymət səviyyəsində də çətinliklər davam edə bilər.

Əslində alıcılıq qabliyyəti və real effektiv məzənnənin əsasında aparılan hesablamalara görə, manat dollara nəzərən gerçək məzənnə səviyyəsindən hələ çox yuxarıda dayanır. Bu isə dolların bahalaşma və manatın da uzuzlaşma potensialının böyük olmasının göstəricisidir. Bu vəziyyətə Mərkəzi Bankın valyuta bazarındakı tənzimlənmə siyasəti təsir görtərə bilər".

Qeyd edək ki, hazırda valyuta dəyişmə məntəqələrində 1 ABŞ dolarının alışı 1,03, satışı isə 1, 055-dir.

Halbuki, bir müddət öncə dolların alışı 0,96-1 AZN, satışı isə 1,03-1,035 arasında dəyişirdi.

Fatimə İbrahimova
Ölkə.az