Ekspert: \
Mətn ölçüsü:
  • 100%

Ekspert: \"Manatın stabilliyini saxlayan əmtəə hər zaman neft olub\"

"Neftin dünya bazarında 40% ucuzlaşması Azərbaycan manatına təsir göstərdi"

"Bu maliyyə məsələləri ilə bağlı prosesdir - ancaq bizim manatın arxasında, yəni onun stabilliyini saxlayan əmtəə neft olub, yəni neftdən gələn gəlirlər. O da kifayət qədər azalmağa doğru gedir. Neftin dünya bazarında 40% ucuzlaşması fonunda bizdən asılı olan məsələ deyil. Azərbaycan manatı buna görə ucuzlaşmalıydı və ucuzlaşdı da".

Bu sözləri Ölkə.Az-a danışan Neft Araşdırmaları Mərkəzinin rəhbəri İlham Şaban deyib.

"Hökümətin əlində digər iqtisadi vasitələr yoxdur ki, manatın dəyərini qoruyub saxlaya bilsin. Bunun üçün istehsal və məhsul olmalıdır. Azərbaycan iqtisadiyyatında belə bir şey gözə dəymir. Hələ ki, idxaldan asılı iqtisadiyyatdır, çünki yerli istehsal hələ zəifdir, rəqabətə davamlı deyil".

Qeyd edək ki, son günlər neftin qiymətində davamlı olaraq artım və düşüş qeydə alınır.

Fatimə İbrahimova
Ölkə.az