Möhtəkirlər qoz-fındığı bahalaşdırdı

Qoz fındığın qiymətində suni bahalaşma

"Bayramla əlaqədar olaraq qoz-fındığa tələbatın artması bəzi işbazların işinə yarayıb"

Bəzi satış məntəqələrində bayram süfrəsinə lazım olan ləvazimatların qiymətində artımlar var. Qiymətinin bahalaşdığı ən çox hiss olan məhsul isə qoz və fındıqdır.

Ölkə.Az xəbər verir ki, adi günlərdə 1 kq qoz ləpəsi 11-12 manata satılsa da, hazırda bu qiymət 15-16 manata qədər yüksəlib.

Artım özünü qənnadı məhsullarında da göstərir. Ancaq bu qoz-fındığın qiymətləri ilə müqayisədə elə də çox hiss olunmur.

Qeyd edək ki, mart ayının 21-i ölkədə Novruz bayramı olaraq qeyd olunur.

Ölkə.az