Mətn ölçüsü:
  • 100%

Azərbaycan və Rusiya Dəmir Yolları arasındakı əlaqələr genişləndiriləcək

İkitərəfli görüş keçirilib.

Azərbaycan və Pusiya Dəmir Yolları Səhmdar cəmiyyətləri arasında olan əlaqələr daha da genişləndiriləcək.

Ölkə.Az “Azərbaycan Dəmir Yolları” Qapalı Səhmdar Cəmiyyətindən Trend-ə verilən məlumata görə, Rusiyanın paytaxtı Moskva şəhərində Azərbaycan və Rusiya dəmir yolu rəhbərləri arasında ikitərəfli görüş keçirilib.

“Rusiya Dəmir Yolları” ASC-nin prezidenti Vladimir Yakunin bildirib ki, ölkələrimiz arasında olan dostluq və əməkdaşlıq münasibətləri bütün sahələrdə, o cümlədən dəmir yolları arasında da özünü əyani büruzə verir: “İnanırıq ki, Azərbaycan Dəmir Yolunun yeni rəhbərliyi bu ələqələrin daha da genişləndirilməsində aktivlik nümayiş etdirəcək”.

“Azərbaycan Dəmir Yolları” QSC-nin sədri Cavid Qurbanov Azərbaycan Dəmir Yolunda reallaşdırılan layihələr, qarşıda duran perspektiv vəzifələr haqqında ətraflı məlumat verərək bildirib ki, Azərbaycan və Pusiya dəmir yolları arasında mövcud olan əlaqələr bundan sonra daha da genişləndiriləcək.

Sonra hər iki ölkənin dəmir yolları arasında cari və gələcək inkişaf perspektivləri müzakirə olunub.

Ölkə.Az