“Azəryolservis”dən xəbərdarlıq

“Yol təsərrüfatı orqanı məsuliyyət daşımayacaq”.

Nəqliyyat Nazirliyi “Azəryolservis” ASC kommunikasiya xətlərinin istismarı ilə məşğul olan təşkilatlarına müraciət edib.

Ölkə.Az xəbər verir ki, yaxın günlərdə ASC Nərimanov rayonunun Ələsgər Qayıbov və Yasamal rayonunun Bəxtiyar Vahabzadə küçələrində əsaslı təmir işlərini planlaşdırır.

“Təmir ilə bağlı hazırlıq işləri aparıldığından sözügedən küçələrdə yerləşən mövcud yeraltı kommunikasiya xətlərinin texniki vəziyyətini araşdıraraq cəmiyyətə müraciət etmələri xahiş olunur. Əks halda təmirdən sonra kommunikasiya xətlərində baş verən problemlərə görə yol təsərrüfatı orqanı məsuliyyət daşımayacaq”. - “Azəryolservis”-in məlumatında bildirilir.

Ölkə.Az