"SOCAR"ın İstanbul nümayəndiliyi ləğv edildi

Nümayəndəliyin əməkdaşları işsiz qaldı

Dünən "SOCAR"ın İstanbul nümayəndəliyinin ləğv edilməsi barədə məlumat əldə etdik.

Ölkə.Az-a daxil olan məlumata görə, şirkət İstanbul nümayəndiliyinin fəaliyyətini dayandırmağa qərar verib. Mənbə bildirilir ki, nümayəndiliyin bütün işçi heyətinə artıq işə gəlməmələri deyilib.

Nümayəndəliyin ləğv edilməsinin əsas səbəbi barədə hələlik dəqiq məlumat yoxdur.

Qeyd edək ki, SOCAR 13 sentyabr 1993-cü ildə Azərbaycan prezidentinin 200 saylı fərmanı ilə keçmiş “Azərneft” trestinin və “Azərneftkimya” Dövlət Neft Birliyinin birləşməsi nəticəsində yaradılıb. Şirkət neft və qaz yataqlarında, neft və neft-kimya məhsullarının hasilatı, emalı, nəqli, daxili və beynəlxalq bazarlarda satışı, habelə Azərbaycan sənayesi və əhalisi üçün təbii qaz tədarükündə iştirak edir.

Şirkətin 2012-ci ildən etibarən Tbilisi, İstanbul, Vyana, Frankfurt, London, Tehran, Astana, Buxarest, Cenevrə, Kiyevdə nümayəndəlikləri fəaliyyət göstərirdi.

Xatırladaq ki, şirkəti qeyri-şəffaf idarəetmədə və korrupsiyada ittiham edirlər.

P.S

Dəfələrlə "SOCAR" mətbuat katibi Nizaməddin Quliyev ilə (012 521 01 27 / 29) əlaqə saxlamağa cəhd göstərsək də, xidmətdən sualımıza cavab verən olmadı. Əslinə qalsa bağlanması lazım olan "SOCAR"ın İstanbul nümayəndəliyi yox, elə "SOCAR"ın mətbuat xidmətidir.

...

Azərbaycan Respublikası Dövlət Neft Şirkətinin (SOCAR) Türkiyədə ofisinin bağlanması ilə bağlı yayılan xəbər həqiqətəuyğun deyil. Bu barədə "Report"a SOCAR-ın Sərmayə İdarəsindən bildirilib.
İdarədən qeyd ediblər ki, "SOCAR"ın Türkiyədəki şirkətində restrukturizasiya həyata keçirilir. Bu işlər çərçivəsində şirkətin İstanbulda ofisi paytaxt Ankara şəhərinə köçürülüb, prosedur qaydalarına görə isə bununla bağlı qəzetdə elan verilib.
"SOCAR-ın Türkiyədəki nümayəndəliyi həcminə görə şirkətin ən irimiqyaslı xarici strukturudur. Hansısa ləğv olunmadan söz gedə bilməz. Sadəcə nəzdində 28 şirkətin birləşdiyi "SOCAR Türkiyə"də bir sıra hallarda restrukturizasiyanın həyata keçirilməsi labüddür", - Sərmayə İdarəsindən bildirilib.
Qeyd edək ki, bu gün bəzi KİV-lərdə SOCAR-ın İstanbul nümayəndəliyinin ləğv edilməsi ilə bağlı xəbər yayılıb.

Ölkə.Az