Azərbaycanın ÜDM-i artıb

DSK 3 ayın göstəricilərini açıqladı.

2015-ci ilin I rübündə ölkədə istehsal edilmiş ümumi daxili məhsulun həcmi əvvəlki ilin eyni dövrünə nisbətən 5,3% artaraq 11,5 milyard manata çatıb.

Bu barədə Ölkə.Az-a Dövlət Statistika Komitəsindən məlumat verilib.

İqtisadiyyatın qeyri-neft sahələrində yaradılmış əlavə dəyər əvvəlki ilin eyni dövrü ilə müqayisədə 7,0%, neft-qaz sektorunda isə 3,4% artıb.

Bu dövrdə ümumi daxili məhsulun 34,7%-i sənayedə, 3,5%-i kənd təsərrüfatı, meşə təsərrüfatı və balıqçılıqda, 12,5%-i tikintidə, 11,9%-i ticarət və nəqliyyat vasitələrinin təmiri üzrə xidmətlər sahəsində, 6,2%-i nəqliyyat və anbar təsərrüfatında, 3,1%-i turistlərin yerləşdirilməsi və ictimai iaşə xidmətləri sahəsində, 2,2%-i informasiya və rabitə xidmətlərində, 16,2%-i isə sosial və digər xidmətlər sahəsində yaradılıb.

Məhsula və idxala xalis vergilər ÜDM-in 10,2%-ni təşkil edib.

Ölkə.Az