Bu rayonun kanalizasiya sistemi yenidən qurulur

Şəmkir şəhərində uzunluğu 16,5 km olan Şəmkirçay-Şəmkir magistral su xəttinin tikintisinə başlanılıb.

Bu barədə Ölkə.Az-a “Azərsu” ASC-dən məlumat verilib.

Qurumun məlumatına görə, tikintisinə 2015-ci ilin mart ayında başlanılmış kəmərin 12 km-lik hissəsinin inşası yekunlaşıb. Magistral xəttin qısa müddətdə istismara verilməsi məqsədilə kəmərin marşrutu boyunca eyni vaxtda 4 nöqtədə tikinti işləri aparılır.

Qeyd edək ki, tikintinin may ayının ortalarında başa çatdırılması nəzərdə tutulur.

Layihəyə uyğun olaraq kəmərlə Şəmkir şəhərinə saniyədə 180 litr su ötürüləcək.

Bundan başqa, şəhərdə inşası nəzərdə tutulan 203 km kanalizasiya şəbəkəsinin 138 km-lik hissəsində işlər başa çatıb. Eyni zamanda uzunluğu 20 km layihələndirilən kanalizasiya kollektorunun 2100 metrlik hissəsi tikilib.Tullantı suları şəhərin kənarında inşa ediləcək və məhsuldarlığı sutkada 25000 kubmetr olan çirkab sutəmizləyici qurğuya ötürüləcək.

Ölkə.Az