AİB Azərbaycanı yüksək gəlirli ölkələr sırasında görmək istəyir
Azərbaycanda savadlılıq göstəricisi yüksəkdir. Ölkədə ana və uşaq ölümü göstəricisi də aşağı səviyyədədir.
Ölkə.Az xəbər verir ki, bu sözləri Asiya İnkişaf Bankının prezidenti Takehiko Nakao AİB-in rəhbərlər şurasının 48-ci toplantısında bildirib.
O qeyd edib ki, ana və uşaq ölümü göstəricisi Avropa İqtisadi Əməkdaşlıq Təşkilatına üzv ölkələrin göstəricisindən yüksəkdir.
"Bununla belə biz istərdik ki, Azərbaycan yüksək gəlirli ölkələr sırasına daxil ola bilsin. Neftin qiymətinin düşməsi fonunda bu əslində çağırış xarakteri daşıyır”, - prezident deyib.
Takehiko Nakaonun sözlərinə görə, Azərbaycanda kənd təsərrüfatı, sənaye, turizm, İKT sahələrini daha da inkişaf etdirmək olar.
“Azərbaycanda kənd təsərrüfatı ilə müqayisədə turizm sahəsində də inkişaf yüksək ola bilər”, - deyə o bildirib.
Ölkə.Az
