“Türk axını”nın inşaatı təxirə salındı

“Danışıqlar ay yarımdır ki, çıxılmaz vəziyyətdədir”.

“Türk axını” qaz kəmərinin inşaatı Rusiya “Qazprom”u və Türkiyənin Botas dövlət şirkəti arasında uzun çəkən danışıqlar ucbatından ləngiyir.

Bu barədə “Kommersant” yazır.

Tərəflər endirimin ölçüsü barədə razılaşıblar, amma onu razılaşmanın hansı komponentinə tətbiq edilməsini qərara almayıblar. Nəşr qeyd edir ki, danışıqlar ay yarımdan çoxdur ki, çıxılmaz vəziyyətdədir, tərəflər “bir-birinin səbrini sınayır”. Türkiyə və Rusiya şirkətləri zərər çəkir:

“Qazprom” borudüzən gəmilərinin dayanması ucbatından artıq bir neçə yüz milyon avro, türk şirkəti isə tərəflərin razılaşdıqları qaza ediləcək endirimi tətbiq edə bilmir, ona görə də rus qazını orta Avropa qiymətlərindən 100 dollar baha almağa məcburdur.

Hal-hazırda Türkiyə Rusiya qazının min kubunu 370 dollara alır.

“Qazprom” “Türk axını”nın inşaatına tezliklə başlamaq istəyir, buna sübut isə Rusiya qazından 50 dollar ucuz olan maye qazın idxalının artırılmasıdır. Nəticədə Rusiyanın Türkiyəyə çatdırma göstəriciləri apreldə 38%-ə enib.

Yeni razılaşmanı ləngidən əlavə amil isə, siyasi amildir, daha dəqiq Vladimir Putinin Ermənistana səfəri zamanı “erməni soyqırımı” qurbanlarının xatirəsinə etdiyi bəyanatdır. Ankara bu bəyanatı sərt şəkildə şərh edib. (oxu.az)

Ölkə.Az