Maliyyə Monitorinqi Xidməti 6 nəfəri “qara siyahı”dan çıxartdı
Maliyyə Monitorinqi Xidməti 6 nəfərin adını qara siyahıdan çıxarıb.
Ölkə.Az Xidmətə istinadən xəbər verir ki, bu addım BMT Təhlükəsizlik Şurasının “Əl-Qaidə” Sanksiya Komitəsinin aprelin 30-da qəbul edilən qərarlarına uyğun olaraq həyata keçirilib.
Həmin adıçəkilən şəxslər bunlardır:
“Riadh Ben Belkassem Ben Mohamed Al-Jelassi, Samir Abd El Latif El Sayed Kishk, Al-Azhar Ben Mohammed Ben El-Abed Al-Tlili, Faouzi Ben Mohamed Ben Ahmed Al-Jendoubi, Ahmed Hosni Rarrbo Na, Najib Ben Mohamed Ben Salem Al-Waz”.
"Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında» Qanuna uyğun olaraq, monitorinq iştirakçıları və monitorinqdə iştirak edən digər şəxslər Ümumi Siyahıda göstərilmiş fiziki və ya hüquqi şəxslərin pul vəsaitlərini və ya digər əmlakını aşkar etdikdə, qanunla müəyyən edilmiş qaydada belə pul vəsaitləri və ya digər əmlakla hər hansı əməliyyatı icra etməməli və bu barədə məlumatı Mərkəzi Bank yanında Maliyyə Monitorinqi Xidmətinə təqdim etməlidirlər"-deyə, xidmətin məlumatında deyilir.
Qeyd edək ki, ümumi siyahı mayın 5-də yenilənib.
Yenilənmiş siyahı ilə burdan tanış olmaq olar:
Ölkə.Az
