Oscar statues
Mətn ölçüsü:
  • 100%

“Beynəlxalq Bank”ın mobil tətbiqində problem yaranıb - ŞİKAYƏT

Azərbaycan Beynəlxalq Bankının mobil tətbiqi “IBAm” vasitəsilə edilən pul köçürmələrində problem yaşanıb.

“Ölkə.az” xəbər verir ki, bu barədə sosial şəbəkələrdə şikayət qeyd olunub. Belə ki, “facebook” istifadəçisi Əsmər Qasımova “IBAm” vasitəsilə pul köçürməsi etdiyini, lakin vəsaitin köçürülmədiyini bildirib:

“IBAm-dan köçürülmüş puldan xəbər yoxdur, hər zəngdə də operatorlar müxtəlif cavablar verirlər. Artıq 4-cü gündür ki, dəqiq bir söz deyən yoxdur, operatorlar "bizlik bir şey deyil" deyir. Bir operator isə mayın 26-sı üçün pulun qayıda biləcəyini qeyd edir. Deyəsən, bank mənim 101 manatımı 1 ay saxlamaq fikrindədir. Operatorlardan kimə müraciət edə biləcəyimi soruşduqda, “şikayətinizi qeydə alırıq 15 iş gününə əlaqə saxlanılacaq” deyilir”. 

Digər sosial media istifadəçiləri də oxşar problemlə üzləşdiklərini bildiriblər.

Məsələ ilə bağlı "Ölkə.Az" "Beynəlxalq Bank"ın mətbuat xidmətinə müraciət etdikdə bildirildi ki, artıq problem həll olunub: “Vəsait vətəndaşın hesabına qaytarılıb”.

“Belə hallar yarandıqda müştəri Bankın mobil tətbiqindəki problemi bildirmək bölməsinə daxil olaraq üzləşdiyi çətinlik haqqında məlumat verir. Əməkdaşlarımız qısa zaman ərzində məsələnin həllində müştəriyə kömək göstərirlər”, - deyə bankın cavabında qeyd olunur.