SOCAR dövlət büdcəsinə ödənişləri artırıb

Azərbaycanın Dövlət Neft Şirkəti (SOCAR) dövlət büdcəsinə ödənişləri 18 milyon 789 min manat artırıb.

Şirkətdən Ölkə.Az-a verilən məlumata görə, 2015-ci ilin aprelində SOCAR büdcəyə 132 milyon milyon 503 min manat vəsait ödəyib. Mart ayında isə bu rəqəm 113 milyon 714 min manat olub.

Eyni zamanda, bu göstərici 2014-cü ilin aprel ayı müqayisədə 4 milyon 87 min manat çox olub.

Ümumiyyətlə, 2015-ci ilin yanvar-aprel aylarında büdcəyə 472 milyon 946 min manat vəsait ödənilib.

Bundan əlavə, cari ilin aprel ayında SOCAR Dövlət Sosial Müdafiə Fonduna 11 milyon 908 min manat vəsait köçürülüb. Ümumiyyətlə, 2015-ci ilin yanvar-aprel aylarında Şirkət tərəfindən Dövlət Sosial Müdafiə Fonduna ödəniş 46 milyon 594 min manat təşkil edib.

Ölkə.Az