Gürcü nazirin SOCAR-ın layihəsi ilə bağlı bəyanatına düzəliş edildi

SOCAR-ın Gürcüstanda karbamid zavodunun tikintisi ilə bağlı layihəsi dayandırılmayıb, sadəcə təxirə salınıb.

Bu barədə Gürcüstanın energetika nazirinin müavini Mariam Valişvili deyib.

“Hazırkı mərhələdə danışıqlar davam edir. Biz müəssisəni ehtiyacı üçün xüsusi qiymətə aldığımız qazla təmin etməli idik. Söhbət istehlakın 20-30% artımından gedir, belə ki, karbamid istehsalı çox enerji tutumlu layihədir. Ehtimal etmək olar ki, problem məhz ildə təqribən 1 milyard kub metr qaz tədarükündədir”, - o deyib.

Onun sözlərinə görə, bu həm də onunla bağlıdır ki, Kulevi Azad Ticarət Zonasının açılması da təxirə salınıb. Karbamib zavodu da bu zonanın bir hissəsi olmalı idi.

Qeyd edək ki, bu yaxınlarda Gürcüstanın energetika naziri Kaxa Kaladze bildirmişdi ki, layihənin dayandırılmasının səbəbi onun həm Gürcüstan, həm də Azərbaycan üşün sərfəli olmamasıdır.

Gürcüstanın keçmiş prezidenti Mixeil Saakaşvili də məsələ ilə bağlı bildirib ki, zavodun tikintisi Bidzina İvanişvili və Gürcüstanın Energetika Nazirliyinin bu biznesdə pay istəməsinə görə dayandırılıb.oxu.az

Ölkə.Az