Millət vəkili: \
Mətn ölçüsü:
  • 100%

Millət vəkili: \"Müqaviləsiz reklam smsi göndərənlər məsuliyyətə cəlb olunacaqlar\"

Milli Məclisinin bu gün keçirilən iclasında "Reklam haqqında" qanun layihəsi üçüncü oxunuşda müzakirəyə çıxarıb və səsə qoyularaq qəbul edilib.

Yeni "Reklam haqqında" qanun layihəsinin müəlliflərindən biri Vahid Əhmədov Ölkə.az-a açıqlamasında bildirib ki, burada əsas dil məsələsi xüsusi olaraq öz əksini tapıb:

"Qanun iki ilə yaxın idi ki, müzakirə edilirdi. Müxtəlif vaxtlarda müəyyən təkliflər, mübahisələr çox oldu. Nəhayət qanun layihəsi qəbul edildi. İlk növbədə burada reklamların dil məsələsi xüsusi olaraq öz əksini tapıb. Yeni qanuna əsasən reklamlar Azərbaycan dilində verilməlidir. Başqa dildə də reklam vermək olar. Ancaq Azərbaycanda dilində yazılışdan sonra ondan kiçik hərflərlə digər dildə reklam yazıla bilər".

Vahid Əhmədovun sözlərinə görə, yeni qanunda bir çox qadağalar da yer alıb:

"Silahın, texnikanın, tütün məmulatlarının, reseptsiz dərman pereparatlarının reklamı ilə bağlı qadağalar var. Ciddi məsələlərdən biri də sms vasitəsi ilə göndərilən reklamlardır. Yeni qanunun tələblərinə əsasən sms reklamı göndərmək üçün hər iki tərəfin müqavilədə öz əksini tapan razılığı olmalıdır. Müqaviləsiz reklam sms-i göndərənlər məsuliyyətə cəlb olunacaqlar"

Millət vəkili qeyd edib ki, yeni qəbul olunan qanun ölkədə reklam sahəsinin inkişafına təkan verəcək:

"Qanunun işlənib hazırlanmasında məqsədimiz o olub ki, dövlət büdcəsinə vəsait daxil olsun. Bu sahəyə həm ictimai, həm də dövlət nəzarətinin artırılması əsas məsələlərdəndir. Statistikaya görə hazırda Azərbaycanın reklam büdcəsi 60 milyon manatdır. Bizim hesablamalarımıza görə, bu çox aşağı rəqəmdir. Əslində 400-500 milyon manat olmalıdır".

Həsən
Ölkə.az