Tikinti materialları 100%-ə yaxın bahalaşıb - Səbəb nədir?
İqtisadçı ekspert Nazim Bəydəmirli “Ölkə.az”a açıqlamasında bildirdi ki, qiymət artımının həm obyektiv, həm də subyektiv səbəbləri var:
“Araşdırmalarım göstərir ki, tikinti materialları bazarında ən azı 30-100% arası bahalaşma mövcuddur. Məsələn, dəmir materialları qiymətlərində artım az qala 90-100%-dir. Eyni zamanda taxta materiallarında 70-80% bahalaşma mövcuddur. Taxta qiymətləri mövsümü amillərlə bağlıdır. Belə ki, Azərbaycana taxta əsasən Rusiya tərəfindən göndərilir. Burada isə adətən payız və qış aylarında tayqa meşələrinin iqlim şəraiti ağacların kəsilməsi və istismarı üçün daha əlverişli olur. Bu da təklifi artırır. Yaz-yay ayları, yağış və qardan sonra meşəyə girmək texnika üçün çətin olduğundan təklifin həcmində azalma qeydə alınır. Buna görə də, mütəmadi olaraq yay aylarında bahalaşma olur”.
[Azyaşlı qız uşağı əməliyyatla dünyaya gətiribmiş - RƏSMİ AÇIQLAMA]
Lakin ekspert bildirir ki, bu qədər bahalaşma əvvəlki illərdə müşahidə olunmayıb:
“Məsələn, mişar daşlarının qiymətlərində təqribən 30-40% artım mövcuddur. Elə məhsul var ki, burada 2 dəfədən çox bahalaşma olub. Elektrik kabellərinin pərakəndə satışında ən azı 2 dəfə qiymət artımı var. Vətəndaşların dili ilə desək, tikinti materialları bazarı od tutub yanır. Bahalaşma səbəblərdən biri də inhisarçılıqdır.
[İcra Hakimiyyəti 1 illik şirkətə 2 milyonluq tender verib]
Daxildə istehsal olunan məhsulların xammalları xaricdən gətirildiyi üçün qiymət artımı olur”.
Ekspert həmçinin enerji daşıyıcıları sahəsində qiymət dəyişikliyinin əlavə zəncirvari reaksiya verdiyini bildirib.
“Problemlərin aradan qaldırılması üçün liberal bazar dəyərlərinin gətirilməsi və gömrük rüsumlarının endirilməsidir. Çünki tikinti materialları bazarı birbaşa sosial bazara, mənzil tikintisinə təsir edir, onların qiymətini artıraraq mənzilləri əlçatanlığını aşağı salır.
Məsələn, bir neçə il əvvəl “Baku Steel Company”nin armatur bazarında 20-dən çox şirkəti bazardan çıxarması və monopoliya yaratması, eləcə də xaricdən gətirilən armatur qiymətlərinin süni artırılması digər sahələrdə də qiymət artımına gətirib çıxarmışdı”, - deyə ekspert əlavə edib.
Könül
Ölkə.az
