Azərbaycan və Rusiya ticarəti canlandıracaq

Azərbaycan yüklərinin gömrük nəzarəti sanksiyalar şəraitində xüsusilə aktualdır.

Bu barədə Kənd Təsərrüfatı Nazirliyi yanında Dövlət Fitosanitar Nəzarəti Xidmətinin rəhbəri İdris Aziyev bildirib.

“Hal-hazırda meyvə və tərəvəzlərlə əlaqədar gömrük nəzarətinin nəticələrinin qarşılıqlı tanınmasına dair məsələ həll edilir. Əgər onlar uğurla başa çatarsa və iki ölkənin gömrük prosedurları eyniləşdirilərsə, sahibkarların tranzaksiyaları iki dəfə azalar və ikitərəfli ticarət canlanar. Azərbaycan artıq illərdir ki, Rusiyanın tərəfdaşı və ölkəni meyvə-tərəvəz ilə təmin edən təchizatçıdır.

Bu ölkədən Rusiyaya və əsasən də Dağıstana pomidor, xiyar, kartof, alma, nar, xurma və göyərti çatdırılır. İldə orta hesabla qonşu ölkədən Rusiya Federasiyasına 300 min ton ərzaq çatdırılır”, - Aziyev bildirib.

Həmsöhbətin sözlərinə görə, qəbul edilən qərar gömrük nəzarətinin səmərəliliyinin yüksəldilməsinə və Rusiya-Azərbaycan ticarətinin inkişafına istiqamətlənib.

“Azərbaycan məhsulları Rusiya analoqlarından ucuzdur. Bu ölkə rusiyalılar üçün əlavə ərzaq mənbəyi ola bilər. Əgər Rusiya-Azərbaycan sahəsindən müəyyən növ malların keçirilməsinin gömrük prosedurları sadələşdirilməsi haqqında protokol qəbul edilsə, o zaman Azərbaycan ərzaqlarının Rusiya bazarına çatdırılması artırılacaq. Onların malları digər təchizatçıların mallarından iki dəfə ucuzdur.

Bu, həm də ekoloji cəhətdən təmizdir, əsasən də erkən sortlar tədarük edilir. Bu sortlar isə respublikada və ölkədə yetişmir”, - həmsöhbət qeyd edib.oxu.az

Ölkə.Az