Azərbaycan iqtisadiyyatı 0,8% böyüyüb

2021-ci ilin yanvar-may aylarında ölkədə 31532,5 milyon manatlıq və ya əvvəlki ilin eyni dövrü ilə müqayisədə 0,8% çox ümumi daxili məhsul istehsal olunub.

"Ölkə.az"ın məlumatına görə, bu barədə Dövlət Statistik Komitəsinin məlumatında qeyd olunub.

Məlumata əsasən, iqtisadiyyatın neft-qaz sektorunda əlavə dəyər 6,7% azalıb, qeyri neft-qaz sektorunda isə 4,5% artıb.

ÜDM istehsalının 41,2%-i sənaye, 10,4%-i ticarət; nəqliyyat vasitələrinin təmiri, 7,5%-i nəqliyyat və anbar təsərrüfatı, 5,3%-i tikinti, 4,2%-i kənd təsərrüfatı, meşə təsərrüfatı və balıqçılıq, 1,9%-i informasiya və rabitə, 1%-i turistlərin yerləşdirilməsi və ictimai iaşə sahələrinin, 18,8%-i digər sahələrin payına düşmüş, məhsula və idxala xalis vergilər ÜDM-in 9,7%-i təşkil etmişdir.

Əhalinin hər nəfərinə düşən ÜDM 3150,6 manata bərabər olmuşdur.