Mahir Məmmədov SOCAR-ın Gürcüstandakı 700 milyonluq layihəsi barədə

Gürcüstanda karbamid zavodunun tikintisi layihəsi bağlanmayıb, müvəqqəti olaraq təxirə salınıb.

Bu barədə “SOCAR Petrolium Georgia” şirkətinin rəhbəri Mahir Məmmədov bildirib.

Onun sözlərinə görə, bununla bağlı KİV-də müxtəlif spekulyasiyalara yol verilib ki, onlar da həqiqətə uyğun deyil. Zavod Şah-Dəniz qazının hasilat layihəsinin başa çatmasına qədər tikilə bilməz. Məhz buna görə layihə uyğun vaxta qədər sadəcə təxirə salınıb.

“Azərbaycanda iqtisadi vəziyyət elədir ki, bu layihə ilə bağlı müəyyən problemlər yaranıb. Buna görə də zavodun tikintisi təxirə salınıb, lakin biz bu layihəyə mütləq qayıdacağıq. Bu, bizim qərar oldu və bununla Gürcüstan hökuməti də razı oldu. Layihə bağlanmayıb, təxirə salınıb”, - Mahir Məmmədov deyib.oxu.az

Ölkə.Az