Azərbaycanın sığorta bazarı artdı
ASA rəhbəri rəqəmləri açıqladı.
2015-ci ilin yanvar-aprel aylarında Azərbaycandakı 27 sığorta şirkətinin xətti ilə 166 milyon manat sığorta haqqı toplanıb. Bu göstərici 2014-cü ilin eyni dövrünə nisbətən 11,1% çoxdur.
Bu barədə Azərbaycan Sığortaçılar Assosiasiyasının (ASA) sədri Orxan Bayramov bildirib.
Onun sözlərinə görə, 4 ay ərzində sığorta şirkətlərinin həyata keçirdiyi ödənişlər 58,1 milyon manat təşkil edib. Bu isə ötən ilin eyni dövrü ilə müqayisədə 31,4% çoxdur.
“Hesabat dövründə sığorta bazarında toplanmış hər 100 manat sığorta haqqı müqabilində 35 manat ödəniş edilib. Bu rəqəm 2014-cü ilin yanvar-aprel aylarında 29,6 manat olub” - deyə, o qeyd edib. (oxu.az)
Ölkə.Az
