Mətn ölçüsü:
  • 100%

“Rabitəbank”ın depozit portfelində ciddi azalma: 200 milyon geri çəkilib

“Rabitəbank” ASC 2021-ci ilin ikinci rübü üzrə maliyyə hesabatını açıqlayıb.

“Ölkə.az”ın məlumatına görə, cari ilin iyunun 30-na bankın cəmi aktivləri 737,157 mln manat təşkil edib. Bu isə 2020-ci ilin eyni dövrü ilə müqayisədə 189 mln manat və ya 20% azdır.

Bank tərəfindən müştərilərə verilmiş kreditlərin həcmi isə illik müqayisədə 58 mln manat və ya 15,2% artaraq 440,613 mln manat təşkil edib.

“Rabitəbank”da müştərilər tərəfindən yerləşdirilən depozitlərin həcmində ciddi azalma olub.

Belə ki, Ötən ilin ilk yarısında 657,836 mln manat olan depozit portfeli illik müqayisədə 198,774 mln manat və ya 30% azalaraq cari ilin 30 iyun tarixinə 459,062 mln manata düşüb. Mərkəzi Bank qarşısında öhdəlikləri 634,781 mln manat həcmində qalan bankın cəmi öhdəlikləri illik müqayisədə 23,4% azalaraq 634,781 mln manata düşüb.

2020-ci il iyunun 30-na bankın cəmi kapitalında isə 4,7% artım müşahidə olunub və 101,300 mln manat olub.

Cari ilin ikinci rübündə şirkətin xalis faiz gəlirləri 19,769 mln manat, xalis qeyri-faiz xərcləri isə 7,789 mln manat olub. Bank mümkün zərərlər üçün yaradılan məqsədli ehtiyatlara 7,294 mln manat ayırıb. Mənfəətindən vergi ödəməyən bank 2021-ci ilin ikinci rübünü 4,685 mln manat xalis mənfəttələ başa vurub.

Bölüşdürülməmiş zərəri 6,850 mln manat olub

Bununla da “Rabitəbank” ASC-nin ilin əvvəlində 10,474 mln manat olan bölüşdürülməmiş zərəri ilin ilk yarısında 6,850 mln manata düşüb.

Xatırladaq ki, bankın səhmlərinin 40,6 %-i Rauf Əliyevə, 30%-i Validə Abbasovaya, 11,48 %-i Zakir Nuriyevə (Bankın Müşahidə Şurasının sədri), 9,11 %-i Dilarə Nuriyevaya, 7,6 %-i Seyran Nuriyevə (Bankın baş direktoru), 1,07 %-i Aslan Xasiyevə (Bankın Müşahidə Şurasının üzvü), 0,14 %-i isə 12 hüquqi şəxsə məxsusdur.

Könül

Ölkə.az