Azərbaycan buğda idxalını artırdı

2015-ci ilin yanvar-aprel ayları ərzində Azərbaycana 174 milyon 255.95 min dollar dəyərində buğda idxal olunub.

Bu da 2014-cü ilin analoji dövrü ilə müqayisədə 68 milyon 212.1 min dollar və ya 64.32% çoxdur.

Bu barədə Ölkə.Az-a Dövlət Gömrük Komitəsindən (DGK) məlumat verilib.

Komitənin məlumatına görə, 2015-ci ilin ilk 4 ayında buğdanın ümumi idxalda payı 5.12% təşkil edib.

Azərbaycan şəkər idxalını isə azaldıb:

Belə ki, hesabat dövrü ərzində, Azərbaycana 37 milyon 328.66 min dollar dəyərində şəkər idxal olunub. Halbuki, 2014-cü ilin ilk 4 ayında ölkəyə 53 milyon 171.37 min dollar dəyərində şəkər idxal olunmuşdu.

Ölkə.Az