Azərbaycanda “Aİ-98” markalı benzin bahalaşdı
“Aİ-98” super markalı benzinin qiymətində dəyişiklik edilib.
Bunu "Ölkə.Az"a açıqlamasında “SOCAR Petroleum” QSC-nin mətbuat katibi Üzeyir Həbibbəyli bildirib.
Onun sözlərinə görə, avqustun 1-dən ölkədə “Aİ-98” super markalı benzinin qiyməti 5 qəpik artaraq 1,60 AZN olub:
“Məlumdur ki, “Aİ-98” markalı benzini xarici ölkədən - Rumuniyadan idxal edirik. Məhsulun alış qiymətinin artması onun ölkəmizdə satış qiymətinin artmasına səbəb olub”.
Qeyd edək ki, “Aİ-98” super markalı benzinin qiyməti 1,55 AZN idi.
Könül
Ölkə.az