Bağlanan bankların ləğvedicisi 600 milyon manat ZƏRƏRDƏ
Əmanətlərin Sığortalanması Fondu (ADIF) 2020-ci ili 602,081 milyon manat zərərlə başa vurub.
Ölkə.az-ın məlumtına görə, qurum 2019-cu ili 59,629 milyon manat mənfəət əldə etmişdi.
Belə ki, qurumun sığorta premiyaları 33,288 mln manat, maliyyə gəlirləri 1,809 mln manat olub. Ümumi mənfəəti 35,097 mln manat olan qurumun kompensasiya xərcləri 681,158 mln manat, inzibati-əməliyyat xərcləri 8,143 mln manat, banklara ödənilmiş kompensasiyaların geri qaytarılması üzrə gəliri 54,547 mln manat, maliyyə aktivləri üzrə gözlənilən krdit zərərləri 2,537 mln manat olub.
Fondun ümumilikdə əməliyyat zərəri 602,193 mln manat olub. Məzənnə fərqi üzrə 218,735 min manat gəlir, maliyyə üzrə 107,625 min manat xərci olan qurum 2020-ci ili 602,081 mln manat xalis zərərlə başa vurub.
Əmanətlərin Sığortalanması Fondunun aktivləri illik müqayisədə 2 dəfədən çox azalaraq 499,460 mln manat, cəmi öhdəlikləri isə 19 dəfə artaraq 427,777 mln manat olub.
Yığılmış zərəri 600 mln manatdan çox artaraq 878,211 mln manata çatan Fondun əlavə kapital qoyuluşu 949,894 mln manat təşkil edib. Nəticədə qurumun cəmi kapitalı illik müqayisədə 14 dəfə azalaraq 71,683 mln manata düşüb.
Xatırladaq ki, Azərbaycan Əmanətlərin Sığortalanması Fondu “Atabank”, “Amrah Bank”, “AGBank” və “NBC Bank” ASC-lərin ləğvedicisidir.
Könül
Ölkə.az
