ADİF-in Himayəçilik Şurasının tərkibi dəyişib
Azərbaycan Əmanətlərin Sığortalanması Fondunun (ADİF) Himayəçilik Şurasının tərkibində dəyişiklik olub.
Ölkə.az-ın məlumatına görə, “Kapitalbank” ASC-nin Müşahidə Şurasının sədri Cəlal Qasımov Şuranın üzvlüyündən ayrılıb. Onun Yerinə isə “Kapitalbank” ASC-nin İdarə Heyətinin sədri Rövşən Allahverdiyev təyin edilib.
Qeyd edək ki, hazırda Fondun Himayəçilik Şurasının sədri Toğrul Əliyev (Azərbaycan Respublikasının Mərkəzi Bankının Baş direktoru), üzvləri Yalçın Əzizov (İqtisadiyyat Nazirliyinin Makroiqtisadi Proqnozlaşdırma və təhlil şöbəsinin müdiri), Azad Tağızadə (Əmək və Əhalilinin Sosial Müdafiəsi Nazirliyinin Aparatının Həyat səviyyəsinin təhlili və aktuar hesablamalar şöbəsinin müdiri), Ziyəddin Allahverdiyev (Maliyyə Nazirliyinin Maliyyə xidmətləri üzrə siyasət şöbəsinin müdiri) və Abbas İbrahimovdur ("Azərbaycan Beynəlxalq Bankı" ASC-nin Idarə Heyətinin sədri).
