Daha üç kənd qazlaşdırıldı

Mayın 26-da Cəlilabad rayonunun Hasıllı, Hacıismayıllı və Seyidbazar kəndlərinə təbii qazın verilişi bərpa olunub.

Ölkə.Az Dövlət Neft Şirkətinə (SOCAR) istinadən xəbər verir ki, 188 abonenti olan Seyidbazar kəndinin qazlaşdırılması üçün 188 ədəd sayğac və fərdi tənzimləyici quraşdırılıb.

Bundan başqa, 83 abonenti olan Hasıllı kəndinin qazlaşdırılması məqsədilə eyni sayda sayğac və fərdi tənzimləyici quraşdırılıb.

“Azəriqaz” İB bildirir ki, 70 abonenti olan Hacıismayıllı kəndinin qazlaşdırılması üçün isə birpilləli sistem əsasında ümumi uzunluğu 4331 metr olan müxtəlif diametrli metal borularla daşıyıcı və məhəllədaxili qaz xətləri çəkilib, 70 ədəd sayğac və fərdi tənzimləyici quraşdırılıb.

Ölkə.Az