Ən çox üz tutulan rayonlarda kirayə qiymətləri necədir? - SİYAHI (MƏBLƏĞ)

Ali məktəblərdə yeni tədris ilinin başlaması ilə müxtəlif bölgələrdən paytaxta böyük tələbə axınının olacağı gözlənilir. Artıq sentyabrın 29-dan etibarən başlayacaq tədris ili ilə bağlı tələbələr Bakı şəhərinə üz tutaraq mənzil axtarışına başlayıb. Bu da təbii olaraq kirayə mənzil bazarında canlanma yaradıb.

Daşınmaz əmlak üzrə ekspert Bəhruz Həsənov “Ölkə.Az”a açıqlamasında bildirdi ki, hazırda kirayə mənzil bazarında tələb yüksək səviyyədədir:

“Tələbin artması ilə təkliflərin qiyməti də təbii olaraq artıb. Xüsusən tədrisin əyani formada keçiriləcəyi qərarından sonra qiymətlərdə artım müşahidə olundu. Artım isə təqribən 30-40%-dir”. 

Ekspertin sözlərinə görə, paytaxtın Yasamal və Nərimanov rayonlarında kirayə evlərə təlabat daha yüksəkdir. Bunun da obyektiv səbəbləri var. Çünki qeyd olunan rayonların ərazilərində təhsil müəssisələri daha çoxdur. 

Araşdırmalara əsasən Yasamal rayonu üzrə köhnə tikili binalarda hazırda qiymətlər müvafiq olaraq aşağıdakı kimi dəyişir:
1 otaqlılar - 250 - 350 AZN
2 otaqlılar - 400 - 500 AZN
3 otaqlılar - 450 - 650 AZN

Yasamal rayonu üzrə yeni tikili binalarda isə qiymətlər belədir :
1 otaqlılar - 450 - 550 AZN
2 otaqlılar - 500 - 600 AZN
3 otaqlılar - 800 - 1500 AZN

Nərimanov rayonu üzrə köhnə tikili binalarda hal-hazırda qiymətlər müvafiq olaraq aşağıdakı kimi dəyişir:
1 otaqlılar - 300 - 400 AZN
2 otaqlılar - 400 - 550 AZN
3 otaqlılar - 600 - 800 AZN

Eyni rayon üzrə yeni tikili binalarda isə qiymətlər belədir:
1 otaqlılar - 400 - 500 AZN
2 otaqlılar - 500 - 650 AZN
3 otaqlılar - 700 -1500 AZN

Ekspert həmçinin əlavə edib ki, təklif tələbdən aşağıdır: “Təəsüflər olsun ki, bu yüksək tələb qarşısında təklif çox azdır və bu səbəbdən  tələbələr üçün uyğun evi tapmaq müəyyən çətinliklər yaradır”.

Könül
Ölkə.Az