Nazirlik yeni yaradılmış şirkətə 1,2 milyon manatlıq tender verdi
Kənd Təsərrüfatı Nazirliyinin Meyvəçilik və Çayçılıq Elmi-Tədqiqat İnstitutu Meyvəçilikdə virussuz əkin materialının innovativ üsulla istehsalının satın alınması ilə bağlı elan etdiyi açıq tenderə yekun vurub.
“Ölkə.Az”ın məlumatına görə, tenderin qalibi “Babil Construction and Procurement” MMC olub.
Qalib şirkətlə 1 199,541 min manat məbləğində satınalma müqaviləsi imzalanıb.
Qeyd edək ki, “Babil Construction and Procurement” MMC 15.09.2020-ci il tarixində dövlət qeydiyyatına alınıb və qanuni təmsilçisi Baxışov İsgəndər Muxtar oğludur. Nizamnamə kapitalı 100 manat olan şirkət Bakı şəhəri Sabunçu rayonu, Pirşağı, S.Cəfərov (Pirşağı Qəs.), ev 9A, m. 2 ünvanında qeydiyyatdadır.
Fidan
Ölkə.Az
