Lirə ucuzlaşdı: Dollar və manat qarşısında yeni rekord

Türkiyədə dolların məzənnəsi yeni rekord qırıb.

“Ölkə.Az”ın məlumatına görə, cümə günü dolların məzənnəsi 9,28 lirə hədinə qalxıb. Bazar ertəsinə isə rekorda yaxın həddə - 9,27 lirə ilə başlayıb.

Türkiyə Mərkəzi Bankında 3 rəhbər şəxsin vəzifəsindən azad olunmasının ardından qurumun bu həftə keçirəcəyi iclasda uçot faiz dərəcəsini endirəcəyi ilə bağlı yaranan gözləntilər lirənin ucuzlaşmasına səbəb olub.

Qeyd edək ki, bu gün lirə manat qarşısında da ucuzlaşaraq tarixi minimumunu yeniləyib və ötən gün ilə müqayisədə lirənin məzənnəsi 0,8% azalaraq 0,1834 manat təşkil edib.

Könül
Ölkə.Az