Azərbaycanın xarici ticarətində 6,3 milyard dollar müsbət saldo
2021-ci ilin yanvar-sentyabr aylarında Azərbaycanın xarici ticarət dövriyyəsi 22 974,30 milyon ABŞ dollar olub.
“Ölkə.Az”ın məlumatına görə, bu 2020-ci il eyni dövrü ilə müqayisədə 24,8% çoxdur.
Ticarət dövriyyəsinin 14 629,82 milyon dollarını və ya 63,68%-ni ixrac, 8 344,48 milyon dollarını və ya 36,32%-ni isə idxal əməliyyatları təşkil edib.
Cari ilin sentyabrın 30-na Azərbaycanın xarici ticarət saldosu 6 285,34 milyon dollar təşkil edib. Bu isə ötən ilin eyni dövrü ilə müqayisədə 2,3 dəfə çoxdur.
Könül
Ölkə.Az
