Azərbaycan valyuta ehtiyatlarını artırıb - RƏQƏMLƏR

Azərbaycanın valyuta ehtiyatları 2021-ci ilin sentyabrın 30-a 51 260,2 milyon ABŞ dolları təşkil edib.

“Ölkə.Az” xəbər verir ki, bunun 86%-i və yaxud 44 226,4 milyon dolları Dövlət Neft Fondunun, 14%-i və yaxud 7 033,8 milyon dolları Mərkəzi Bankın payına düşüb.

Qeyd edək ki, ötən ilin eyni dövrü ilə müqayisədə Azərbaycanın valyuta ehtiyatları 1 480,2 milyon dollar və yaxud 3% artıb. İl ərzində Neft Fondunun valyuta ehtiyatları 937,8 milyon dollar və yaxud 2,2%, AMB-nin valyuta ehtiyatları isə 542,4 milyon dollar və yaxud 8,4% artıb.