“Azərsu” milyonluq layihəni ötən il yaradılmış şirkətə həvalə etdi

“Azərsu” ASC  “Kür-Araz ovalığında yerləşən və içməli su tələbatı Kür çayından təmin edilən yaşayış məntəqələrinin su təchizatının alternativ mənbələr hesabına təmin edilməsi məqsədi ilə Texniki-iqtisadi Əsaslandırma Hesabatının hazırlanması” və eləcə də, “Ağdam şəhərinin içməli su mənbəyinin müəyyənləşdirilməsi məqsədi ilə yeraltı suların istismar ehtiyatının qiymətləndirilməsi üçün kompleks hidrogeoloji kəşfiyyat işlərinin aparılması” işlərinin satın alınması ilə bağlı elan etdiyi tenderlərə yekun vurub.

“Ölkə.Az”ın məlumatına görə, tenderlərin qalibi “Geo-Su Group” və “Geo-Eco Innovation Center” MMC-lər olub. Qalib şirkətlərlə müvafiq olaraq 1 182,950 min manat və 491,470 min manat məbləğində satınalma müqaviləsi imzalanıb.

Qeyd edək ki, “Geo-Su Group” MMC 02.12.2020-ci il tarixində dövlət qeydiyyatına lınıb və qanuni təmsilçisi Rüstəmov Elvin Həsən oğludur. Nizamnamə kapitalı 10 manat olan şirkət Bakı şəhəri Suraxanı rayonu, Yeni Suraxani Ştq, Vahid Xəlilov (Yeni Suraxani Qəs.), ev 4 ünvanında qeydiyyatdadır.

Qeyd edək ki, “Geo-Eco Innovation Center” MMC 29.03.2018-ci ildə dövlət qeydiyyatına lınıb və qanuni təmsilçisi Sevdimaliyev Samir Tehran oğludur. Nizamnamə kapitalı 10 manat olan şirkətin hüquqi ünvanı Bakı şəhəri Binəqədi rayonu, Biləcəri Ştq, məhəllə 5057/68 (Biləcəri qəs.), ev 3, m. 22-dir.

Könül

Ölkə.Az