Mətn ölçüsü:
  • 100%

Bu məzunlara kreditin qaytarılması üçün möhlət veriləcək

"Kreditin qaytarılma müddətində bəzi hallarda tələbəyə möhlət verilə bilər. Bu da 2-4 ili əhatə edə bilər".

“Ölkə.Az” xəbər verir ki, bunu təhsil nazirinin müavini İdris İsayev təhsil tələbə kreditlərinin (TTK) verilməsi ilə bağlı keçirilən brifinqdə deyib.

O bildirib ki, bura bir neçə hallar aiddir: "Məsələn, tələbə kreditin qaytarılma dövründə təhsilin daha yuxarı səviyyəsi üzrə əyani təhsil ala bilər. Həmçinin tələbə həqiqi hərbi xidmətdə olduqda, məzun qadın uşaq dünyaya gətirdikdə, kreditin qaytarılma dövründə qadın hamiləlik və doğuma görə məzuniyyətə çıxdıqda (burada söhbət işləyən qadınlardan gedir), 3 yaşa qədər uşağa qulluq üçün məzuniyyət dövründə olduqda, məhkumluq həyatı yaşadığı dövrdə, sağlamlıq imkanları məhdud olan 18 yaşına qədər şəxsə və ya birinci dərəcəli əlil olan şəxsə qulluq etdikdə ona təhsil müddətində kredit ödənişi üçün möhlət verilir. Bu dövrdə də hər hansı faiz tutulmayacaq".

Könül

Ölkə.Az