ASA: Tibbi sığortada zərər aşağı düşə bilər
Sığorta bazarında toplanmış hər 100 manat sığorta haqqının müqabilində 35,9 manat ödəniş edilib.
Bu barədə Azərbaycan Sığortaçılar Assosiasiyasının (ASA) sədri Orxan Bayramov sığorta bazarının yanvar-may ayları üzrə inkişaf dinamikasından bəhs edərkən bildirib.
Onun sözlərinə görə, bu inkişaf kasko və könüllü sığortaya da öz təsirini göstərəcək.
Bundan əlavə, o bildirib ki, dərmanların qiymətinin dövlət tərəfindən tənzimlənməsi tibbi sığortada zərəri aşağı salacaq.
Bayramov bildirib ki, bu ilin ilk beş ayında tibbi sığortadan 40 milyon yığım əldə edilib. 20,6 milyon manat isə ödəniş edilib:
“Bu onu göstərir ki, yığımların 40%-i ödəniş şəklində sığortalıya geri qaytarılıb. İlin ilk beş ayı üçün bu böyük rəqəmdir”, - deyə, o qeyd edib.
Xatırladaq ki, bir müddət əvvəl baş nazirin müavini Əli Əhmədov qeyd etmişdi ki, dərman preparatlarının qiymətinin aşağı düşməsi sığorta bazarının da inkişafına öz təsirini göstərəcək.oxu.az
Ölkə.Az
