Gürcüstanın baş naziri SOCAR-a təşəkkür etdi

Gürcüstanın Milli İnvestisiya agentliyi ölkənin baş naziri İrakli Qaribaşvilinin adından xüsusi məktub dərc ediblər. Məktubda Tbilisidə baş verən təbii fəlakətin nəticələrinin aradan qaldırılmasında yardım göstərən bütün xarici investor şirkətlərə və fiziki şəxslərə təşəkkür bildirilib.

“Onlar (İnvestorlar) faciənin birinci dəqiqəsindən təmənnasız həmrəylik nümayiş etdirərək bizim xalqa və hökumətə yardım edirlər. Xarici tərəfdaşların belə dəstəyi həyəcanlandırmaya bilməz”, - bəyanatda deyilir.

Milli İnvestisiya agentliyi ölkəyə yardım edən şəxs və şirkətlərin adlarının siyahısını da dərc edib. Bu şirkətlərin arasında SOCAR da yer alıb.

Xatırladaq ki, SOCAR Tbilisi meriyasının abadlaşdırma xidmətinə 10 000 litr benzin, eləcə də paytaxtın zərərçəkən sakinləri üçün 50 000 lari pul ayırıb.

Qeyd edək ki, iyun ayının 14-nə keçən gecə baş verən təbii fəlakət nəticəsində 20 nəfərə yaxın insan həlak olub. Onlarla evsiz qalan ailə müvəqqəti sığınacaqla təmin edilib.oxu.az

Ölkə.Az