Mətn ölçüsü:
  • 100%

Sabah bəzi rayonlarda qaz olmayacaq

İyunun 24-də bəzi rayonlarda qaz olmayacaq.

Ölkə.Az-a “Azəriqaz” İB-dən verilən məlumata görə, sabah saat 10:00-dan 18:00-dək Qazax rayonunun Daşsalahlı, Kosalar, Qazaxbəyli, Orta Salahlı, Aşağı Salahlı və Canallı, Sabirabad rayonunun Nərimankənd, Olacalı, Əhmədabad, Müsəlli və Şıxlarkəndində qaz olmayacaq.

Bundan əlavə, Lənkəran rayonunun Hirkan, Cərətük, Aşağı Nüvədi, Büzəli, Mamusta, Parakənd, Bala Şürük, Yuxarı Nüvədi, Südəmordux və Vələdi, Cəlilabad rayonunun Uzuntəpə kəndlərinin də qaz təchizatında məhdudiyyətlər olacaq.

Qeyd edək ki, aparılan işlərin Zərdab və Balakən rayonlarının bəzi hissələrinin qaz təchizatına təsir göstərməsi də mümkündür.

Xatırladaq ki, məhdudiyyətin yaranması bəzi Qazpaylama stansiyalarında, eləcə də bəzi ölçü qovşaqlarında aparılan carı təmir işləri ilə bağlıdır.

Ölkə.Az