SOCAR Rumıniyada investisiyaları ikiqat artırmağı planlayır
Azərbaycan Dövlət Neft Şirkəti (SOCAR) Rumıniyada qarşıdakı iki il ərzində investisiyaları ikiqat artırmağı və öz yanacaqdoldurma məntəqələrinin sayını 10-a çatdırmağı planlayır.
Bu barədə SOCAR-ın vitse-prezidenti Vitali Bəylərbəyov Buxarestdə keçirilən Energetik forum zamanı bildirib.
“Biz Rumıniyada qarşımızda olan iki il müddətində investisiyalarımızı ikiqat artırmağı planlayırıq. Yanacaqdoldurma məntəqələrinin sayı müştərilərin yetərincə yüksək olan marağından asılı olaraq 10-a çatacaq.
Əlbəttə biz bu marağın səviyyəsini müəyyən etmək üçün tədqiqat aparırıq və adətən müsbət nəticələr əldə edirik”, - Bəylərbəyov bəyan edib.
Onun sözlərinə görə, SOCAR Rumıniya ərazisində aktiv fəaliyyət göstərir.
“Biz yüksək səmərəliliyə malik şirkət yarada bilməyimiz ilə fəxr edirik, burada təxminən 500 nəfər çalışır. Şirkətimizin brendini şimali Rumıniyada, eləcə də burada - paytaxtda, avtomobil yanacaqdoldurma məntəqələrində görə bilərik. Burada 32 yanacaqdoldurma məntəqəsi var, amma biz onların sayını bu və gələn il müddətində artırmağı planlayırıq”, - SOCAR nümayəndəsi bəyan edib.
“SOCAR Romania” SOCAR-ın yerli nümayəndəsidir.
Şirkət Rumıniya ərazisində 2011-ci ildən SOCAR Petroleum SA vasitəsilə fəaliyyət göstərir, onun məqsədi bütün ölkədə yanacaqdoldurma məntəqələri şəbəkəsinin yaradılması və möhkəmləndirilməsidir.
Ölkə.Az
