Azərbaycanlı Avstriyada otel aldı

Azərbaycandan olan investor Avstriyanın kurort bölgəsində otel alıb.

Ölkə.Az virtualaz.org saytına istinadla xəbər verir ki, Avstriya mənbələrinə istinadən məlumata görə, Azərbaycandan olan naməlum biznesmen bu yaxınlarda ölkənin dağlıq Heiligenbult bölgəsində yerləşən və 30 nömrədən ibarət “Hotel Rupertihaus”u alıb.

Sövdələşmənin detalları məlum deyil. Bildirilir ki, Azərbaycandan olan digər investorlar da Avstriyada turizm sahəsinə sərmayə yatırmaq imkanlarını nəzərdən keçirirlər.

Son vaxtlar Avstriya təkcə xarici turistlər üçün yox, eyni zamanda otel almağa maraq göstərən investorlar üçün də populyar ölkəyə çevrilib.

2015-ci ilin birinci yarısında 120 milyon avroluq otel alqı-satqı əməliyyatları həyata keçirilib.

Ölkə.Az