“Optimal Elektronika” 1,7 milyon manat zərərdədir
“Optimal Elektronika” MMC ötən ili 1,747 mln manat zərərlə başa vurub.
“Ölkə.Az” xəbər verir ki, 2021-ci il dekabrın 31-nə şirkətin əsas əməliyyat gəlirləri 96,128 mln olub. Bu isə 2020-ci ilin yekunları ilə müqayisədə 9,8% azdır. İcarədən gəlirləri 560 min manat, digər gəlirləri 2,473 mln manat olan MMC-nin ümumi əməliyyat gəlirləri 99,161 mln manat təşkil edib.
Ötən il üzrə əməliyyat xərcləri 101,753 mln manat təşkil edən “Optimal Elektronika”nın əməliyyat zərəri isə 2,592 mln manat, maliyyə gəlirləri isə 845 min manat olub. Mənfəət vergisi ödəməyən şirkət 2021-ci ili 1,747 mln manat zərərlə başa vurub.
Ötən ilin yekununda MMC-nin cəmi aktivləri illik müqayisədə 31,6% artaraq 126,763 mln manat, cəmi öhdəlikləri 50% artaraq 79,780 mln manat, kapitalı isə 8,9% artaraq 46,984 mln manat təşkil edib.
Könül
Ölkə.Az
